Reading Time: < 1 minute

Poem

Wee, sleekit, cowrin, tim’rous beastie,
O, what a panic’s in thy breastie!
Thou need na start awa sae hasty,
Wi’ bickering brattle!
I wad be laith to rin an’ chase thee
Wi’ murd’ring pattle!

I’m truly sorry man’s dominion,
Has broken nature’s social union,
An’ justifies that ill opinion,
What makes thee startle
At me, thy poor, earth-born companion,
An’ fellow-mortal!

I doubt na, whiles, but thou may thieve;
What then? poor beastie, thou maun live!
A daimen icker in a thrave
‘S a sma’ request;
I’ll get a blessin wi’ the lave,
An’ never miss’t!

Thy wee bit housie, too, in ruin!
It’s silly wa’s the win’s are strewin!
An’ naething, now, to big a new ane,
O’ foggage green!
An’ bleak December’s winds ensuin,
Baith snell an’ keen!

Thou saw the fields laid bare an’ waste,
An’ weary winter comin fast,
An’ cozie here, beneath the blast,
Thou thought to dwell –
Till crash! the cruel coulter past
Out thro’ thy cell.

That wee bit heap o’ leaves an’ stibble,
Has cost thee mony a weary nibble!
Now thou’s turn’d out, for a’ thy trouble,
But house or hald,
To thole the winter’s sleety dribble,
An’ cranreuch cauld!

But Mousie, thou art no thy lane,
In proving foresight may be vain;
The best-laid schemes o’ mice an’ men
Gang aft agley,
An’ lea’e us nought but grief an’ pain,
For promis’d joy!

Still thou art blest, compar’d wi’ me;
The present only toucheth thee:
But och! I backward cast my e’e,
On prospects dreaer!
An’ forward, tho’ I canna see,
I guess an’ fear!

Short Poem Analysis

"To A Mouse" is a poem by Robert Burns that speaks to the speaker's sense of empathy towards a field mouse whose home has been destroyed by his plough. The poem is written in Scots dialect, which adds to its rustic and colloquial tone. Burns uses the mouse as a metaphor for life, conveying how the smallest of creatures can also suffer and struggle to survive. The poem also comments on the fleeting nature of life, with the speaker acknowledging that despite all our plans, life can often veer off course unexpectedly. Overall, "To A Mouse" is a poignant reflection on the human condition and the interconnectedness of all life.

Previous Poem
To A Kiss
Next Poem
To Gavin Hamilton, Esq., Mauchline, Recommending A Boy